Қытайдағы қоғамдық пікірді басқарудың заманауи технологиялары: ерекшеліктері мен мәселелері

Аңдатпа

Ғылыми мақалада қоғамдық пікірді басқару технологияларына талдау жасалды, ҚХР-да қоғамдық пікірді қалыптастырудағы интернеттің рөлі көрсетілді. Виртуалды кеңістіктегі пайдаланушылардың мінез-құлқын нақты техникалық және ұйымдастырушылық реттеу Қытай интернетінің ерекшелігі болып табылады. Автор үгіт-насихат, қоғаммен байланыс, үкіметтік микроблогтар, саяси маркетинг Қытай үкіметінің қолындағы қоғамдық пікірді басқарудың жетекші технологиялары мен құралдары деп тұжырымдайды. Бұл технологиялар мемлекеттік құрылымдарға деген сенімді қалыптастыру және оның оң бейнесін жасау мақсатында қолданылады. Қытайда Интернеттегі азаматтар мен ұйымдардың мінез-құлқын жан-жақты реттеу бойынша үлкен жұмыс жүргізілді, мемлекет технологиялық ақпараттық тәуелсіздікке қол жеткізді, желідегі саяси мінез-құлық пен пайдаланушылардың мәлімдемелеріне шектеулер енгізілді.