Қазақстан Республикасындағы мал шаруашылығын тұрақты дамытудың негізгі бағыттары

Аңдатпа

Мақалада еліміздің тұрақты дамуындағы мал шаруашылығы өнімдерінің ерекшеліктері қарастырылған. Авторлардың пікірінше, мал шаруашылығының дамуын тежейтін негізгі проблемаларға мыналар жатады: шаруашылықтардың технологиялармен толық қамтылмауы; азықтың жеткіліксіз мөлшері; жайылымдық жерлердің тапшылығы; төмен сумен қамтамасыз ету. Мақалада әлеуметтік, экономикалық және экологиялық ерекшеліктерді ескере отырып, мал шаруашылығының тұрақтылығын бағалау көрсеткіштері жүйеленген. Мақала авторлары мал шаруашылығын тұрақты дамытуға бағытталған шаралар кешенін ұсынды: мал шаруашылығы өнімдерін өндіру және өңдеу кезінде сапа стандарттарын қолдану міндетті; технологиялық жетістіктерді қоршаған орта факторларымен ұштастыру қажет; мал шаруашылығы өнімдерін ішкі қамтамасыз ету жүйесін жетілдіру; топырақ құрылымын жақсарту, қоректік заттармен қамтамасыз ететін тиімді жайылым экожүйесін енгізу.