Зияткерлік көші-қон саласындағы халықаралық тәжірибе: АҚШ тәжірибесін талдау

Аңдатпа

Бұл мақалада көші-қон процестерін басқару және реттеу саласындағы халықаралық тәжірибе қарастырылады. АҚШ-тың көші-қон саясатын зерттеу негізінде білім беру және интеллектуалдық көші-қонды басқарудың стратегиялары мен механизмдері талданады.

Кейс стади әдісі қолданылып, нормативтік-құқықтық құжаттарға егжей-тегжейлі мазмұнды талдау жүргізілді.

Зерттеу нәтижелері АҚШ-тың қазіргі иммиграциялық саясаты халықаралық көші-қонды ынталандырып, әлемнің түкпір-түкпірінен дарынды адамдарды тартуға көмектесетінін көрсетті. Үздік шешімдерді табу үнемі бейімделуді және көші-қон саясатын елдің қазіргі қиындықтары мен қажеттіліктеріне сәйкестендіруді талап етеді.

Иммиграция Америка Құрама Штаттарының демографиясына, экономикасына, саясатына, дипломатиясына, мәдениетіне және ғылыми жетістіктеріне айтарлықтай әсер ететіні анықталды. Бұл әртүрлілік пен инновацияны насихаттайды, сонымен бірге интеграция мен әлеуметтік әділеттілік саласында пікірталастар мен қиындықтар туғызады.

Бұл зерттеудің нәтижелері жаһандық білім қоғамы контекстінде анағұрлым тиімдісаяси шешімдерді әзірлеуге және зияткерлік көші-қон саласындағы ғылыми жұмыстарды жалғастыруға негіз бола алады.

Ғылыми зерттеу 217 «Ғылымды дамыту» бюджеттік бағдарламасы, 102 «Ғылыми зерттеулерді гранттық қаржыландыру» кіші бағдарламасы бойынша ғылыми және (немесе) ғылыми-техникалық жобаны іске асыруға мемлекеттік тапсырыс шеңберінде, «Қоғамдық-гуманитарлық ғылымдар саласындағы зерттеулер және келесі тақырып бойынша: ИРН АР13067766 «Білім беру көші- қоны саласындағы саясатты өзгерту: шетелде тұратын қазақстандықтардың зияткерлік әлеуетін пайдалану стратегияларын әзірлеу» басымдығы бойынша жүзеге асырылды.