Қазақстан Республикасындағы жергілікті өзін-өзі басқаруды дамыту тәуекелдері

Аңдатпа

Мақалада Қазақстан Республикасында жергілікті өзін-өзі басқаруды дамыту тәуекелдері қарастырылады. Автор қолданыстағы жергілікті басқару жүйесін талдайды, оның тиімді жұмыс істеуіне кедергі болуы мүмкін тәуекелдерді анықтайды. Жергілікті өзін-өзі басқару барысында туындауы мүмкін тәуекелдер сарапшылар арасында әлеуметтанулық сауалнама жүргізу арқылы сараланған.  Тәуекелдер саяси-әкімшілік, әлеуметтік-экономикалық және тұрғындардың қатысуы  мәселесі бойынша топтарға бөлініп қарастырылған. Сонымен бірге тәуекелдердің мүмкін болатын салдарлары және олардың ықпалын азайту бойынша шаралар ұсынылған. Нәтижелер мен қорытындылар жергілікті өзін-өзі басқаруды дамыту мәселелерімен айналысатын сарапшылар, ғылыми зерттеушілер және мемлекеттік органдар үшін пайдалы болуы мүмкін.