Үштілділік жағдайында мемлекеттік тілдер саясатын дамытуда ақпараттық технологиялар қолданысы

Аңдатпа

Бүгінгі күннің талабына сай еліміздегі білім беру жүйесінің барлық салаларында ақпараттық коммуникативтік технологиялар (АКТ) қолданысының басымдылығы және оларды білім беру процесінде кеңінен пайдалануда оң көзқарас байқалады. Барлық мамандықтар оқыту бағдарламалары мен ондағы ақпаратты ұсыну мен қабылдаудың өзіндік тәсілдерімен ерекшеленеді. Сонымен қатар, АКТ-ны сабақта пайдалану мемлекеттік білім беру стандартында белгіленген міндет пен талаптар болып отыр. АКТ қолданысын жан-жақты талдау жасау мүмкін емес, өйткені бұл бағыттың ауқымы кең. Еліміздің саясатын дамытуда, ондағы өзгерістерді көпшілікке жариялауда тіл саясатының рөлі ерекше.

Тілді оқытуда АКТ-ны пайдалану білім беруді жаңғырту және оның принциптерін жүзеге асыруда заманауи ақпараттық технологиялар негізінде оқытудың жаңа моделі құрылды. Үштілділік білім беру үдерісіне АКТ-ны енгізу сияқты міндеттерді шешудің жолдары анықталды.

Осы бағытта, мақаланың мақсаты – мемлекеттік саясатты жүргізудегі АКТ қолданысының тиімділігін қарастыру және тұжырымдар беру болып табылады. Зерттеу бағыты еліміздегі үштілділік саясатындағы ақпараттық коммуникативтік технологиялардың рөлін анықтауда тілдік-ақпараттық талдау жүргізу болды. Зерттеу әдістері арқылы алынған зерттеу нәтижелері соңғы онжылдықта жүргізілген үштілділік саясатында АКТ құралдарының рөлі мен маңыздылығын айқындап берді.