Оңтүстік Корея, Сингапур және Малайзия мысалында білім берудегі цифрландырудың халықаралық тәжірибесі: Қазақстан үшін тәжірибе

Аңдатпа

Ғылыми мақалада Қазақстанда озық тәжірибелерді қолдану мүмкіндігін анықтау мақсатында Оңтүстік Корея, Сингапур және Малайзия мысалында білім берудегі цифрландырудың халықаралық тәжірибесіне талдау жүргізілді. Кез-келген елде цифрландырудың негізінде дамыған IT-инфрақұрылым және білім беру мекемелеріндегі ақпараттандыру деңгейі жатыр. Қазақстанда географиялық орналасуы, шалғайдағы елді мекендердің көптігі, облыс және өңірлік орталықтардан қашықтығы, сондай-ақ еліміздегі мектептердің едәуір бөлігін жеткіліксіз жарақтандыру сияқты факторлар білім беруде ақпараттық-коммуникациялық технологияларды пайдалануды қажеттілік қана емес, білім беру жүйесінің өмір сүруі мен дамуы үшін де маңызды шарт етеді. Бірақ білім беруді цифрландыру әлеуетін талқыламас бұрын, осы жолдан сәтті өткен және белгілі бір оң нәтижелерге қол жеткізген елдердің тәжірибесіне жүгіну керек. Зерттеу барысында жалпы ғылыми және арнайы таным әдістерінің жиынтығы қолданылды, олардың көмегімен жұмыста қарастырылған процестер мен құбылыстар талданды. Зерттеу барысында Оңтүстік Корея, Сингапур және Малайзияның білім беру жүйесін цифрландыру деңгейі анықталды. Даму деңгейіндегі айырмашылықтарға қарамастан, қарастырылып отырған елдер басымдықтарды анықтаудың жалпы тәсілдерімен біріктірілген. Цифрландыру Қазақстан үшін өзінің инфрақұрылымын жақсартуда және теңгерімді дамуда елеулі мүмкіндіктер береді. Ақпараттық қоғамды дамытудағы және ақпараттық инфрақұрылымды құрудағы әлемдік тәжірибені талдау ақпараттық-коммуникациялық технологиялардың осы процестерде шешуші рөл атқаратынын көрсетеді. Мемлекеттің белсенді рөлі басшыларды, мамандарды және жалпы халықты жаппай оқытуға мүмкіндік береді, оның ішінде бастауыш цифрлық білім беру және оны өмір бойы қолдау.