Мемлекеттік билік органдарында тәжірибені беру: тәлімгерлік мәселелері мен оларды шешу жолдары

Аңдатпа

Тәлімгерлік институтын енгізу арқылы мемлекеттік билік органдарында институционалдық жадыны сақтау мәселесі көтеріледі. Жаңадан қабылданған мемлекеттік қызметшілерге, сондай-ақ әртүрлі себептерге байланысты біліктілігін өзгертуге тура келетін бұрыннан жұмыс істеп келе жатқан қызметкерлерге айқын және жасырын ұйымдастырушылық білімді беруге көп көңіл бөлінеді. Халықаралық тәжірибені талдау негізінде тәлімгерліктен туатын теріс нәтижелердің себептерін және оларды азайту жолдары анықталған. Тәлімгерлік процесінің нәтижелі болуы бір тәлімгердегі шәкірттердің санына, тәлімгерлік мерзіміне және осы процеске қатысатын тұлғаларды ынталандыруға байланысты. Материалдық және материалдық емес ынталандыру тәлімгерлік институтын нығайтуға және үкіметте институционалдық жадының сақталуын қамтамасыз етуге мүмкіндік береді.