Белорусь Республикасында мемлекеттік қызметшілердің жеке және кәсіби қасиеттерін кешенді бағалаудағы тәсілдер

Аңдатпа

Белорусь мемлекетінің басшысы мемлекеттік аппараттың тиімділігін арттыру, мемлекеттік қызметтің беделін көтеру және мемлекеттік қызметшілерге қойылатын талаптарды арттыру мақсаттарын бірнеше мәрте атап өтті. Президент ұстанымы мемлекеттік аппарат, оның ішінде биліктің орталық және жергілікті органдары адал және парасатты, мықты қысым жасауға қабілетті адамдармен жасақталуы тиіс дегенге негізделген. Осылайша, мемлекеттік қызметшілер үшін мінез-құлықтың толыққанды кодексін әзірлеумен қатар, олардың тиімділігін жан- жақты бағалау үшін құралдар жасау да маңызды. Белорусь Республикасында заңнамалық базада мемлекеттік қызметшілердің жеке және кәсіби дағдыларына қойылатын талаптар белгіленген. Ол жалпы және фокустанған деп екі түрге бөлуге болатын түрлі заңдық әсердің қағидаларын қамтиды. Жалпы ережелер мемлекеттік қызметшілердің міндеттерін дұрыс орындауын, азаматтар немесе заңды тұлғалардың сұрауы бойынша мемлекеттік қызметтерді көрсету үшін сапаға қойылатын талаптарды сақтауын, сыбайлас жемқорлыққа қарсы мінез-құлық және т.б. қоса алғанда, олардың міндеттерінің толық спектрін қамтиды. Сондай-ақ фокустанған ережелер мемлекеттік қызметшілердің жеке және кәсіби дағдыларының тізімін белгілейді, олардың бағалау критерийлерін және кейбір мемлекеттік органдар жұмысының тиімділік көрсеткіштерін айқындайды. Мысалы, бөлінген бюджет ресурстарын тиімді және дұрыс қолдану, сенімді мемлекеттік сатып алу, ведомстволық бағынышты мекемелерде өтелмеген қарыздардың болмауы мемлекеттік органдар тиімділігінің жалпы көрсеткіші ретінде қызмет етеді. Мемлекеттік қызметшілердің жеке жетістіктерін бағалау кезінде олардың белгілі бір азаматтық қызметтің лауазымдарында лауазымды тұлғалар ретіндегі жұмысы олардың жеке және кәсіби дағдыларымен қатар қарастырылады. Заң мемлекеттік қызметшілер мен атқарушы лауазымды тұлғалардың келесі негізгі жеке және кәсіби дағдыларын қарастырады, атап айтқанда: кәсіби құзыреттер, моральдік қасиеттер, зияткерлік қабілеттер, көшбасшылық дағдылар, тұлғаның психофизикалық ерекшеліктері, коммуникативтік және мәдени шолу. Жоғарыда аталған талаптармен қатар, Беларусь Республикасында мемлекеттік қызметшілердің мінез- құлығына сыбайлас жемқорлыққа қарсы стандарттарды енгізуге үлкен назар аударылады. Президент Лукашенко: «Беларусь Республикасы жемқорлықпен күресуде басқа елдер үшін үлгі болуы тиіс. Біз жемқорлыққа қарсы үздіксіз және жүйелі науқанды жүргізудеміз. Беларусь Республикасының Министрлер Кеңесімен жемқорлықпен күрес бойынша комиссия құрылды, қызметі жемқорлық тәуекелдерімен байланысты мемлекеттік әкімшілер мен шенеуніктердің әлеуетін нығайту және жемқорлыққа төзбеушілікті ынталандыру бойынша шаралар қабылданды. Қазіргі ортада АКТ саласындағы білім мен дағды да жеке және кәсіби дағдыларды бағалауда маңызды рөл ойнайды. Осыған байланысты, АКТ саласындағы білімді мемлекеттік қызметшілер үшін біліктілік талабы ретінде енгізу ұсынылады. Осындай перспективада шешім қабылдайтын мемлекеттік қызметшілер мен тұлғалардың кәсіби және жеке дағдыларына қойылатын талаптар тізімін кеңейту, сондай-ақ  өз қызметінің нақты саласына сәйкес кешенді бағалау жүйесін әзірлеу мен рәсімдерге азаматтарды, кәсіпорындар мен азаматтық қоғамды тарту үшін мүмкіндіктер ашатын бағалаудың жыл сайынғы тетігін енгізу ұсынылады.