Қазақстан Республикасы тұрғын үй саясаты: қабылданып жатқан шаралар және тұрғын үйге қол жетімділіктегі орын алған проблемалар

Аңдатпа

Қазақстан Республикасы өз азаматтарының тұрғын үймен қамтамасыз етілуіне айтарлықтай назар аударады. Дегенмен де, тұрғын үй мәселесі республикада өзектілердің қатарында. Осы мақаланың мақсаты – халықтың баспанаға қол жетімділігін кеңейту бойынша мемлекеттік шараларға бағалау жүргізу. Қазақстанның мемлекеттік тұрғын үй бағдарламаларына контент талдау жүргізу негізінде мемлекеттің тұрғын үй саясатының даму тәжірибесі жүйеленді. Мемлекетпен жүргізіліп отырған тұрғын үй саясатын іске асыруға тартылған институттардың функционалы анықталды және сипатталды. Жастарға арналған бағдарламаны мысалға ала отырып, халықтың табыс табу деңгейі осы шаралардың сәтті болуын тежейтін фактор екені негізделді.