Журнал туралы
«Мемлекеттік басқару және мемлекеттік қызмет» ғылыми журналы «Қазақстан Республикасы Президентінің жанындағы Мемлекеттік басқару академиясы» РМҚК мерзімді басылымы болып табылады.
ISSN: 1994-2370 (Print)
ISSN: 2959 – 0302 (Online)
Журналдың мақсаты
Журналдың негізгі мақсаты Қазақстан Республикасының және басқа елдердің мемлекеттік басқару және мемлекеттік қызмет саласындағы тәжірибесін жариялау, мемлекеттік қызметшілерді даярлау сапасын арттыруға, сондай-ақ ғылыми-зерттеу жұмысын дамытуға және ақпарат алмасуға жәрдемдесу болып табылады.
Журналда отандық ғалымдар мен мемлекеттік органдар қызметкерлерінің, сондай-ақ шетелдік сарапшылардың ғылыми зерттеулерінің, эксперименттік әзірлемелерінің нәтижелері көрсетіледі.
Журналдың міндеттері
Журнал қазақстандық ғылыми-ақпараттық жүйенің бөлігі ретінде мынадай міндеттерді шешуге қатысады:
- мемлекеттік басқару жүйесі органдары мен мекемелерінің қызметін ғылыми қамтамасыз етуге жәрдемдесу;
- ғылыми-зерттеу қызметінің нәтижелерін көрсету және тарату;
- ғылыми зерттеулердің сапасын арттыруға ықпал ететін ашық ғылыми полемиканы қалыптастыру;
- жас ғалымдардың, докторанттардың, магистранттардың ғылыми зерттеулерінің нәтижелерін жариялауға ықпал ету.
Журналдың тақырыбы (айдары) мынадай негізгі бағыттарды қамтиды:
- Мемлекеттік басқару және мемлекеттік қызмет;
- Экономика;
- Халықаралық қатынастар.
Журнал халықаралық қатынастар (ҚР БҒМ Білім және ғылым саласындағы бақылау комитеті төрағасының 2022 жылғы 28 қаңтардағы №22 бұйрығы), мемлекеттік басқару және экономика (2024 жылғы 05 ақпандағы №177 бұйрығы) саласындағы диссертациялардың негізгі нәтижелерін жариялау үшін ұсынылатын ғылыми басылымдар тізбесіне енгізілген.
Журнал «ҰҒТЭО» АҚ қазақстандық дәйексөз базасында индекстеледі.
2023 жылғы 1 қаңтардан бастап журнал американдық EBSCO (Political Science Complete) дерекқорында индекстеледі.
Журнал тілі: қазақ, орыс, ағылшын.
Журналдың шығу жиілігі: тоқсанына бір рет, яғни жылына 4 (төрт) рет.
Журналдың мақалалары CrossRef МБ тіркеледі, әр авторлық мақалаға міндетті түрде DOI – сандық объект идентификаторы беріледі, Ол дәйексөзді, сілтемені және электрондық құжаттарға шығуды қамтамасыз ету үшін қолданылады..
Редакцияға келіп түскен барлық мақалалар жабық («жасырын») қосарланған рецензиялаудан өтеді. Мақалаларды рецензиялау тәртібі
«Мемлекеттік басқару және мемлекеттік қызмет» журналында авторлар үшін жариялану тегін. Редакция авторлардан материалдарды дайындау, орналастыру және басып шығару үшін ақы алмайды.
Журнал Қазақстан Республикасы Ақпарат және қоғамдық даму министрлігінің Ақпарат комитетінде 2021 жылғы 20 сәуірдегі №KZ21VPY00034765 тіркеу туралы куәлікпен тіркелген (журналдың алғашқы есепке алынған күні мен нөмірі – 2002 жылғы 25 сәуір № 2848-Ж).
Сонымен қатар журнал Қазақстан Республикасы Ақпарат және қоғамдық даму министрлігінің Ақпарат комитетінде «желілік басылым» ретінде 2023 жылғы 16 наурыздағы № KZ81VPY00066471 тіркеу туралы куәлікпен тіркелген.
Еркін қол жеткізу саясаты және материалдарды мұрағаттау
«Мемлекеттік басқару және мемлекеттік қызмет» журналы ресми веб-сайтта ашық қолжетімді. Веб-сайт адресі: https://journal.apa.kz/index.php/path
Сайттағы барлық ақпарат үш тілде (қазақ, орыс және ағылшын тілдерінде) беріледі және қазақстандық, сондай-ақ шетелдік ғалымдар мен оқырмандар үшін сайттағы контентке ақпараттық қолжетімділікті қамтамасыз етеді.
Сайтта журналдың редакциялық саясаты, оның мақсаты мен тақырыптық бағыты, мақаланы жариялау шарттары, рецензиялау саясаты, жариялау этикасы, редакциялық алқаның құрамы туралы мәліметтер, сондай-ақ сайт оқырмандарын қызықтыратын басқа да ақпарат орналастырылған.
Авторлар мен оқырмандар журналдың ағымдағы нөмірінің электрондық нұсқаларымен, сондай-ақ өткен жылдардағы журнал нөмірлерінің мұрағатымен таныса алады. Журналдың барлық жарияланымдары электрондық түрде тегін таратылады.
Құпиялылық шарттары
Авторлар туралы деректер журналдың «Біздің авторлар» бөлімінде жарияланады. Онда автордың аты-жөні, жұмыс орны, лауазымы, ғылыми дәрежесі, атағы туралы мәліметтер қамтылады.
Журналдың редакциялық алқасы рецензенттерге мақаланың авторы (авторлары) туралы және авторға (авторларға) рецензенттер туралы туралы мәліметтерді жария етуге қатысты құпиялылықты сақтайды. Сонымен қатар қарастырылып отырған мақалалар туралы ақпаратты үшінші тұлғаларға бермейді.
Жарияланған материалдар міндетті түрде редакциялық алқаның көзқарасын білдірмейді. Редакция сапалы мақалаларды іріктеу құқығын өзіне қалдырады және ұсынылған материалдардағы ақпараттың дұрыстығы үшін жауап бермейді.
«Мемлекеттік басқару және мемлекеттік қызмет» журналының редакциялық саясаты Ғылыми кеңестің 2024 жылғы 29 қарашадағы отырысында бекітілген (№ 8 хаттамасы).
Редакцияның мекенжайы:
010000, Астана қ., Абай даңғылы 33а, 3.336-каб.
Тел. 8(7172) 75-10-41, 75-34-97
E-mail: journal@apa.kz
